ကာကွယ်နည်းများ

လိပ်ခေါင်းရောဂါကို ကြိုတင်ကာကွယ်လို့ ရပါသလားလို့ မေးရင် .. ကာကွယ်လို့ရပါတယ်လို့ ဖြေနိုင်ပါတယ်။  ဘယ်လို ကာကွယ်ရမလဲလို့ မေးရင်တော့ .. ဘာ့ကြောင့် လိပ်ခေါင်းရောဂါ ဖြစ်သလဲ ဆိုတာကို သိမှ ဖြစ်မှာပါ။



လိပ်ခေါင်းရောဂါကို ဖြစ်စေတဲ့ အဓိက အချက်တွေကတော့  ....

၁-ဝမ်းချုပ်လေ့ရှိခြင်း

၂-အထိုင်များခြင်း၊

၃-ဖိုင်ဘာပါဝင်မှူနည်းသော အစာများကိုသာစားခြင်း၊

၄-အလေးအပင်မခြင်း၊

၅-အဝ လွန်ခြင်း၊

၆-စအိုမှာ အနာဖြစ်ခြင်း..

စသည်တို့ကြောင့် ဖြစ်နိုင်ပါတယ်။



ဒီအချက်တွေကြောင့် လိပ်ခေါင်းရောဂါဖြစ်ရတယ်ဆိုတာ သိရရင် ကြိုတင်ကာကွယ်နည်းကို သိရပါမယ်..။

ဝမ်းချုပ်ခြင်းဟာ ဖိုင်ဘာစာသုံးမှူနည်းခြင်း၊  ကိုယ်လက်လှူပ်ရှားမှူနည်းခြင်း၊  ရေသောက်နည်းခြင်း၊ အထိုင်များခြင်းတို့ကြောင့်ဖြစ်နိုင်ပါတယ်။ အဲဒီတော့   ဖိုင်ဘာပါဝင်မှူများတဲ့   ဟင်းသီးဟင်းရွက် များများစားရပါမယ်၊။ လူတစ်ယောက်ဟာ တစ်နေ့ကို ဖိုင်ဘာ ၂၀ ဂရမ်ကနေ ၃၅ ဂရမ်အထိ စားသုံးသင့်ပါတယ်။  ဥပမာအနေနဲ့ကတော့ ပန်းသီးတစ်လုံးမှာ ဖိုင်ဘာ ၅ ဂရမ်ပါပါတယ်။ အခွံပါစားရပါမယ်။    ဖိုင်ဘာများများစားသုံးပြီး  ရေသောက်နည်းမယ်ဆိုရင်တော့  ဝမ်းများများသွားပေမယ့်    ရေခမ်းခြောက်နေလို့ ဝမ်းသွားရတာ အခက်အခဲဖြစ်တတ်ပါတယ်။  ဖိုင်ဘာများများ စားပြီး  ရေများများ သောက်ဖို့ လိုပါတယ်။



သင့်တော်တဲ့ ကိုယ်လက်လှုပ်ရှား အားကစား လုပ်ရပါမယ်။  နေ့စဉ် မိနစ် ၃၀ ခန့် လမ်းလျှောက်ခြင်းဟာ အကောင်းဆုံးဖြစ်တယ်လို့ အကြံပေးကြပါတယ်။   ရုံးမှာ ထိုင်ပြီး အလုပ်လုပ်တဲ့သူတွေကတော့   ရေများများသောက်ပြီး  မကြာခဏ အပေါ့သွားတဲ့ အလေ့အကျင့်လုပ်ထားရင်  အကောင်းဆုံးပါပဲ။

ကော်ဖီ၊ လဖက်ရည်၊ အရက်၊ဘီယာ   စသည်တို့က   ဝမ်းချုပ်ခြင်းကို ဖြစ်စေတဲ့    အတွက် သတိနဲ့   သောက်သုံးသင့်ပါတယ်။ အရက်နဲ့ ဘီယာဟာ ဆီးကို ရွှင်စေပေမယ့် ဝမး်ချုပ်စေပါတယ်။ အရက်နဲ့ ဘီယာကို  ခန္ဒာကိုယ်ကနေ  အလွယ်တကူစုတ်ယူနိုင်တဲ့အတွက် အစာခြေစနစ်မှာ ရေဓာတ်ခန်းခြောက်ပြီး  ဝမ်းကိုမာကျစ်စေပြီး၊ ဝမ်းချုပ်ခြင်းကို ဖြစ်စေပါတယ်။



နောက်တစ်ခုက 'အလေးမ'လေ့ကျင့်ခန်း နဲ့ အလေးအပင်မခြင်းတွေကို  ရှောင်ရှားရပါမယ်။

အဝမလွန်အောင် ဂရုစိုက်ရပါမယ်၊။ အဝလွန်သူတွေ အဆီ(Fat)ကို  ရှောင်မယ်ဆိုရင်  ဂရုပြုရမယ့်  အချက်က  အစာခြေစနစ်အတွက် သင့်တော်တဲ့ အဆီ(Fat)  ပမာဏလိုအပ်တယ် ဆိုတာကို  သိထားရပါမယ်။ အဆီ(Fat)ကို လုံးဝ စားသုံးခြင်းမပြုဘူးဆိုရင်  ဝမ်းချုပ်ခြင်းနဲ့ ဝမ်းမာကျစ်ခြင်းကို ဖြစ်စေပါတယ်။

ဝမ်းသွားချင်ရင် ထိန်းချုပ်မထားဖို့နဲ့  ဝမ်းမသွားချင်ဘဲ  အတင်းညှစ်ပြီး ဝမ်းသွားအောင် မလုပ်ဖို့ အရေးကြီးပါတယ်။ ဝမ်းသွားဖို့ရာအတွက်   ဝမ်းနှုတ်ဆေးတွေ၊  ဝမ်းပျော့ဆေးတွေ   ရေရှည်စွဲမြဲသုံးတာ  မကောင်းပါဘူး။



ဖိုင်ဘာပါဝင်မှူများတဲ့ အသီးအရွက်လည်း   စားမယ်၊ သင့်တော်တဲ့ ကိုယ်လက်လှူပ်ရှားမှူလည်း   ရှိမယ်၊  ရေများများသောက်မယ်၊   ဆိုရင် ဆီးဝမး်မှန်ပြီး ကျန်းမာနေမှာပါ။